Thursday, February 25, 2016

ದೀಪವು ನಿನ್ನದೆ....

ದೀಪವು ನಿನ್ನದೆ...

- ಕೆ. ಎಸ್. ನರಸಿಂಹಸ್ವಾಮಿ

ದೀಪವು ನಿನ್ನದೆ ಗಾಳಿಯು ನಿನ್ನದೆ 
ಆರದಿರಲಿ ಬೆಳಕು ||
ಕಡಲು ನಿನ್ನದೆ ಹಡಗು ನಿನ್ನದೆ 
ಮುಳುಗದಿರಲಿ ಬದುಕು 

ಬೆಟ್ಟವು ನಿನ್ನದೆ ಬಯಲು ನಿನ್ನದೆ
ಹಬ್ಬಿ ನಗಲಿ ಪ್ರೀತಿ 
ನೆಳಲೋ ಬಿಸಿಲೋ ಎಲ್ಲವು ನಿನ್ನದೆ 
ಇರಲಿ ಏಕರೀತಿ 

ಆಗೊಂದು ಸಿಡಿಲು ಈಗೊಂದು ಮುಗಿಲು 
ನಿನಗೆ ಅಲಂಕಾರ 
ಅಲ್ಲೊಂದು ಹಕ್ಕಿ ಇಲ್ಲೊಂದು ಮುಗುಳು 
ನಿನಗೆ ನಮಸ್ಕಾರ 

ಅಲ್ಲಿ ರಣದುಂದುಭಿ ಇಲ್ಲೊಂದು ವೀಣೆ 
ನಿನ್ನ ಪ್ರತಿಧ್ವನಿ 
ಆ ಮಹಾಕಾವ್ಯ ಈ ಭಾವಗೀತೆ 
ನಿನ್ನ ಪದಧ್ವನಿ 

No comments:

Post a Comment